Interessant

This year's model

Fri, 15 Aug 2008 22:40:00 +0200

Min tidlegare forelesar, USA-entusiast og fulltids likandes kar Gunnar Grendstad har laga modellar for oppslutninga om dei amerikanske presidentkandidatane, og kjenner seg trygg på at Barack kjem til å vinne. Eg stoler på Gunnar. Eg har iallfall klare minne frå Met 102-forelesningane hausten 2004 der denne modellen blei brukt for illustrere eit eller anna poeng (er ikkje heilt sikker på kva det var). Den gang var sjølvsagt prediksjonen at George W. skulle vinne, og det gjekk jo slik vi veit. New York Magazine lurer på den andre sida på kvifor den unge mannen frå Illionois ikkje ligg betre an, trass i alle faktorar som peikar mot demokratisk siger. Hint: Det har noko med rase å gjere. Edruleg påminning:

“But cast your mind forward twenty years and imagine looking back on this election. Would it really seem strange from that vantage point if the first black major-party nominee—a guy with a thin résumé, no foreign-policy credentials in an era scarred by terrorism, a background alien to much of Wonder Bread America, and the full name Barack Hussein Obama—lost? No, it would seem inevitable. That Obama has convinced us that the opposite outcome is even possible is testament to his many gifts. The next three months will show whether they include a talent that would serve him very well in the Oval Office: the ability to conduct a necessary, indeed vital, conversation that no one really wants to have.”

Men først, litt meir prokrastinering

Thu, 14 Aug 2008 17:46:30 +0200

Domenenamnet structuredprocrastination.com er nok i seg sjølv til props, big ups og ein link. Det hjelper likevel at det også inneheld eit festleg essay om det flotte og verdifulle i å utsette viktige oppgåver (samt mindre viktige, som å oppdatere tumblren sin). (Også pluss i margen for at mannen har skrive ein tekst med tittelen The Case Against Golf).

Google backlash, pt. II

Tue, 22 Jul 2008 23:11:13 +0200

Nicholas Carr sin artikkel om korleis bruken av det allmektige internettet påverkar korleis vi les og tenker, som eg linka til tidlegare, skaper tydelegvis debatt. Sjå mellom anna Alan Jacobs på The American Scene (som elles vel er noko libertariansk for min del), og denne samlesida (der ein kar vågar å spørre om kva som er så bra med Tolstoj, igjen. Ekstra parentesbonusquiz med fine premiar: Kven har nettopp jobba seg gjennom bind I av Krig og Fred? Send svaret til dot com).

Obligatorisk

Sun, 20 Jul 2008 11:41:39 +0200

Og kvitheitsskalaen sprenger: Intervju med mannen bak Stuff White People Like i Aftenposten. Ole Martin Ihle (som anslår at han sjølv er “omtrent 95 %” kvit) kommenterer: “Da jeg gjorde feltarbeid i Harlem skjønte jeg hvor hvit jeg egentlig er. Når sant skal sies trivdes jeg ikke spesielt godt sammen med svarte, og oppsøkte andre hvite så ofte som mulig.”

Over til gentlemanssporten tennis

Tue, 08 Jul 2008 23:27:49 +0200

Eg har ikkje levd så lenge, så eg har ikkje så mykje å samanlikne med, men eg synest det er vanskeleg å vere ueinig med det James Lawton sa.

Meir foppall! Måtte berre ha med dette fantastiske biletet av...

Sat, 21 Jun 2008 15:05:23 +0200

Meir foppall! Måtte berre ha med dette fantastiske biletet av kroaten Petric som blir trøsta av dommaren etter straffekonken mot Tyrkia. Ein kan bli freista til å få vondt av guten. Når eg tenker meg om er vel kroatane si liding ein pris eg er villeg til å betale for den fantastiske underhaldninga ekstraomgangane ga. (Biletet blei tydelegvis tatt av den dyktige AP/Scanpix. Han har gjort mykje bra i dette mesterskapet).

Også: Aftenposten, dåkke er minst tre dagar for seint ute (sjå her). Men godt forsøk.

Meir: Are Kalvø i TV2-initiert nettprat om fotball? What gives? Eg klagar ikkje, eg siterer heller:

“Hva synes du om regjeringsskiftene til Stoltenberg?

Eg synest det er fint at dei byttar litt på, så får fleire prøvd seg. Det er litt som fotball på aldersbestemte lag. Det er viktig at alle får litt speletid og kjenner seg som ein del av laget.”

Ta den, Lars Peder Brekk! Igjen må eg bryte min eigen regel om å ikkje blande sport og politikk, men dette passa berre for bra til å la vere.

Hjernen får ikkje vere åleine

Thu, 19 Jun 2008 12:12:09 +0200

Eg har nemnt på Jeffrey Golberg før. Han verkar som ein oppegåande kar. Dessutan skriv han for The Atlantic, målet for om lag nitti prosent av linkane herifrå. No har han i alle fall vore ute og fått undersøkt hovudet sitt, noko som høyrest fornuftig ut. Kort fortalt går testen ut på å undersøke korleis han reagerer på bilete av ulike politiske aktørar, for å finne ut om han eigentleg er disponert for konservatisme eller liberalisme (i den amerikanske forståinga av termene). Ein slepp ikkje unna sin eigen hjerne. Heile artikkelen kan lesast her (den er faktisk ikkje så lang). Eitt av mange sitatverdige parti:

“Then there was President Bush talking about oil, and Hillary Clinton talking about health care, which caused me to realize that if you haven’t lain supine in a claustrophobia-inducing magnetized tunnel while watching Hillary Clinton talk about health care one inch from your eyeballs, well, you just haven’t lived. The Clinton video was followed by scenes from The Wire and The Sopranos. Kind of like a palate cleanser.”

Om statsborgarskapsmodellar og fotball

Wed, 18 Jun 2008 20:16:53 +0200

Interessant som fotballblogg! Iallfall så lenge EM varer. Ein for meg ukjent NUPI-forskar skriv i Dagbladet om utvatninga av landslaga som representant for det nasjonale, i og med at mange lag no har importert ein driblefant av ein eller anna eksotisk nasjonalitet (sjå t.d. denne polske helten. Interessant, no også med polske fotballbloggar på tapetet). For meg verkar det som den franske statsborgarskapsmodellen har overtatt i dei fleste land, slik ein sikkert får sjå fleire brasilianarar og liknande i dei kommande EM. Eg skjønner at reglane må vere like for alle med tanke på statsborgarskap - viss ein er kvalifisert for statsborgarskap må ein ha lov til å spele på landslaget. Men problemet med kva ein då skal med landslag dukkar jo opp. Ah, denne globaliseringa og medfølgande nedbryting av nasjonale grenser! Kor vil den ta oss?

Google backlash

Mon, 16 Jun 2008 20:18:07 +0200

Fin artikkel i juli/august-utgåva av The Atlantic (som logisk nok blir utgitt i juni) om korleis bruken av Internett påverkar vår evne til å lese i andre former. Korleis ein les påverkar korleis ein tenker. Det er fascinerande lesing, og poenget blir greit understreka av at eg måtte lese denne ikkje spesielt lange artikkelen i minst tre ulike bolkar.

Om fotball og ting som ikkje har nokon naturleg samanheng til fotball

Sun, 15 Jun 2008 18:17:00 +0200

Aslak Nore meiner han har forklaringa på kvifor Norge ikkje er med i EM. Først må det understrekast kor viktig det er at Norge ikkje er med, slik at ein kan glede seg over ordentleg fotball i slike samanhengar. Dette EM-et har hittil framvist ordentleg fotball i overraskande mengder. Nesten samtlege kampar har vore verd å sjå, og difor har eg då også gjort det. Nore meiner i alle tilfelle at den norske likskapstanken er grunnen til at ingen blir verkeleg gode i fotball her i landet, altså at einarane blir haldne tilbake av breidda. Dette med kor mykje likskap som er sunt er noko som opptar meg, og eg kan vel på eit vis vere tilbøyeleg til å vere einig med Nore. Viktige reservasjonar: 1. Eg er skeptisk til å blande politiske forhold inn i forklaringar på sportsresultat. 2. Eg er skeptisk til om land med fire og ein halv million innbyggarar i det heile tatt kan kvalifisere seg til internasjonale meisterskap uansett kor elitistiske dei er i talentutviklinga si. 3. Eg er skeptisk til Aslak Nore på generelt grunnlag.

Bonus: Torgrim Eggen slår inn ganske opne dører i BT, men på ein leseleg måte. Mange av dei han skriv om har vel bevega seg innover mot sosialdemokratiet etterkvart, så det heng seg fint på Nore. Betydeleg mindre fotball frå Eggen, dog. Dette markerer også den lengste posten i Interessants korte historie. Eg beklagar, og lovar å fatte meg kort i framtida.

Han høge frå Extras har vore i Søraust-Asia

Tue, 10 Jun 2008 13:52:00 +0200

Alt han gadd å ta med tilbake var denne heilt passe fine artikkelen, full av heilt passe morsomme linjer. Exhibit A: “my mum says it’s rude to use methods formally employed by the Gestapo”.

Meir klang, takk

Sun, 08 Jun 2008 19:37:49 +0200

For å hive meg på hylekoret: Utifrå det eg har fått med meg så langt er Fleet Foxes gode ting (og når eg seier gode ting meiner eg lettfordøyeleg popmusikk i gata til Shins og Belle & Sebastian). Prøv denne melodien.

Klapping av sin eigen rygg

Wed, 04 Jun 2008 09:07:19 +0200

Då vil eg få nytte høvet til å gratulere alle mastergradsstudentar på sampol med vel innlevert oppgåve. Alle er no endeleg i hamn, og det er tid for feiring. Eller for min del, vidareføring av den sommarferien som har vart eit par veker allereie. Og dei såg at det var godt.

Augene mine!

Wed, 04 Jun 2008 09:00:35 +0200

Jan Bøhler - for ein mann, for eit bilete.

På desse tider i fjor stifta eg først bekjentskap med The...

Mon, 02 Jun 2008 23:23:48 +0200

På desse tider i fjor stifta eg først bekjentskap med The National gjennom deira fabelaktige Boxer. Har knapt skrudd den av sidan. No er dei ute med ny EP/DVD, der klippet ovanfor er henta frå filmen A Skin, A Night. AV Club oppsummerer filmen ganske greit som pretty, artsy, slightly boring, men musikken på EP-en er definitivt verd å få med seg. Det er nesten så ein kan bli frista til å besøke Øya igjen for å få med seg når karane kjem til landet i august. Sannsynlegvis berre nesten, dog.

Living in America

Fri, 30 May 2008 12:43:06 +0200

Dagbladet har ein fascinerande artikkel om amerikaniseringa av norsk politikk. Det går fram at amerikanisering er av det vonde, sjølv om ein ikkje heilt veit kva det er. Bromark og Herbjørnsrud utviklar det samme argumentet over ei heil bok. Anbefalast.

Dagens apenytt

Thu, 29 May 2008 10:45:09 +0200

Ei riktig gladsak frå New York Times. Overskrifta er nok: “Monkeys Control a Robot Arm With Their Thoughts”.

Bladet kan melde om klassisk apeoppførsel: “They sat stationary in a chair, repeatedly manipulating the arm with their brain to reach out and grab grapes, marshmallows and other nuggets dangled in front of them. The snacks reached the mouths about two-thirds of the time — an impressive rate, compared with earlier work”.

Det blir også bonuspoeng for mengda av tullenamn på forskarane som utførte forsøket: Meel Velliste, Sagi Perel, M. Chance Spalding and Andrew Whitford.

Apropos filth, flarn og filth

Tue, 27 May 2008 20:59:17 +0200

På sine gamle dagar har Bill Cosby blitt noko av ein moralsk forarga korsfarar mot alt som er av styggedom i det afro-amerikanske samfunnet. Dette legendariske klippet frå Eddie Murphy sitt Raw-show viser vel i og for seg at far Cosby har vore forarga over ungdommen minst sidan 80-talet. Raw er jo forøvrig også så høgt som Murphy kom, der på huset har det blitt produsert lite av verdi etter dette.

Nytt frå N .E.R.D. Er aldri heilt sikker på om eg likar desse...

Tue, 27 May 2008 20:43:07 +0200

Nytt frå N .E.R.D. Er aldri heilt sikker på om eg likar desse karane eller ikkje. Men det er eit eller anna ved det som gjer det interessant (zing!) likevel. Samme med videoen - det er kult, men likevel ikkje. Gir det meining? Nei?

Korleis gjekk eg glipp av dette?

Mon, 26 May 2008 19:10:09 +0200

Verdas mest tullete og gammaldags filmskurkaktige gale diktator, Saparmurat Niyazov, betre kjent som Turkmenbashi, er død, og har forsåvidt vore det ganske lenge. Litt lei meg for at eg først fekk vite om dette heilt nyleg. Med tanke på underhaldningsverdien er det også beklageleg at hans etterfølgar, Gurbanguly Berdymukhamedov, har begitt seg inn på ein meir standard autoritær veg. Til dømes har månadane i året igjen sine vanlege namn, og ikkje lenger oppkalt etter Turmenbashi si mor eller liknande. Sikkert bra for dei som må bu i Turkmenistan, men kjedeleg for oss andre.